سرحدس پٮ۪ٹھ چِھےٚ وٕنکیٚنَس ژھۄپہٕ۔ أسۍ چھِ وۄمید کران زِ امن روزِ برقرار: عمر عبداللہ

جموں و کشمیرٕکۍ وزیر اعلیٰ عمر عبداللہَن ووٚن زِ سرحدَن پٮ۪ٹھ چھِ وُنکیٚنَس خاموشی تہٕ أسۍ چھِ یژھان زِ یہِ خاموشی روزِ جٲری۔ تٔمۍ ووٚن زِ پہلگام حملہٕ پتہٕ چھُ سیاحتُک شعبہٕ سٮ۪ٹھاہ متٲثر گوٚمُت، تہٕ وۄنۍ چھُ سون توجہ شری امرناتھ یاترا کامیاب پٲٹھۍ منعقد کرنس پٮ۪ٹھ ۔ وزیر اعلیٰ یَن کوٚر بَٹہٕ وارِ دۄہ ییٚتہِ صحافیَن سۭتۍ کَتھ کران یِمَن خیالن ہُنٛد موٗجوٗدٕ صورتہِ حالَس مُتعلِق ووٚن تٔمۍ ووٚن: ‘سرحَدن پٮ۪ٹھ چھُ جنگ بٔنٛدی وُنکیٚنَس برقرار، تہٕ کُنہِ جایہِ پٮ۪ٹھ چھنہٕ جنگ بٔنٛدی ہٕنٛز کانٛہہ تہِ خلاف ورزی ہٕنٛز خبر۔’ تٔمۍ کوٚر ذِکِر: ‘سرحدی گامَن منٛز پٲکِستٲنہِ گولہٕ باری سۭتۍ گژھَن وٲلۍ نۄقصانُک جٲیزٕ چھُ یِوان کرنہٕ۔ نۄقصانٕچ پوٗرٕ رپورٹ حٲصِل کرنہٕ پتہٕ یِیہِ معاوضہٕ پیکیج بناونہٕ۔ أسۍ کَرِ یوٗت ہٮ۪کہِ کٔرِتھ، تہٕ اگر اسہِ مرکزٕ طرفہٕ مدتٕچ ضٔروٗرت پیٚیہِ، تیٚلہِ کَرِ أسۍ یہِ مدد۔’ مرکٔزی حکوٗمت کِس مُختٔلِف مُلکَن منٛز اکھ کل جماعتی وفد سوزنہٕ کِس فٲصلَس پٮ۪ٹھ ووٚن عمر عبداللہَن زِ ‘یہِ چھُ منٲسب ۔ پارلِمٮ۪نٛٹ حملہٕ پتہٕ تہِ، ییٚلہِ مرحوٗم واجپایی جی حُکوٗمتس منٛز اوس، اَکھ وفد آو سوزنہٕ۔