یِنہٕ وٲلِس ہفتَس منٛز کٔشیٖرِ منٛز موسمٕچ حالت خراب گژھنُک اِمکان۔

موسمیات محکمہٕ مُطٲبِق چھُ وادی کشمیرَس منٛز یِنہٕ وٲلِس ہفتَس منٛز موسمی حالات خراب گژھنُک امکان۔ محکمہٕ کِس مشورَس مُطٲبِق چھُ 30 تہٕ 31 مئی وادی منٛز گرج تہٕ آسمانی بجلی سۭتۍ درمیٲنی پٮ۪ٹھٕ سٮ۪ٹھاہ روٗد پٮ۪نُک اِمکان، تہٕ اتھ وقتس دوران ہٮ۪کہِ تیز ہوا تہِ پٮ۪تھ۔ مُتعلقہٕ محکمہٕ کِس ترجُمانَن ووٚن زِ 28 تہٕ 29 مئی دُپہرَس چھُ وادی منٛز گرج تہٕ آسمانی بجلی سۭتۍ ہلکہٕ روٗد پیٚنُک امکان۔