ڈوڈہ کِس کاستی علاقس منٛز گولٮ۪ن ہُنٛد تبودلہٕ ،زٕ فوجی اہلکار زخمی

^{ڈودہ ضلعہٕ کِس کاستی علاقس منٛز گٔیہِ راتھ سیکیورٹی فورسس تہٕ ملی ٹنٹن درمیان اکھ جھڑپ ییٚمہِ کِس نتیجس منٛز زٕ فوجی اہلکار زخمی یِم علاجہٕ باپتھ نزدیٖکی ہسپتالس منٛز واتناونہٕ آے۔اطلاعاتو مطٲبق چُھ ڈوڈہ ضلعہٕ کِس جنگلی علاقس منٛز پٔتمٮ۪و ژورو دۅہو پٮ۪ٹھہٕ تلٲشی ہُنٛد اکھ آپریشن جٲری تہٕ برٮ۪سہٕ وارِ دۅہہٕ صُبحٲے گوٚو کاستی گڑھ علاقس اندر ملی ٹنٹن تہٕ سیکیورٹی فورسس درمیان تصادُم۔زرٲیعو مطٲبق چُھ وننہٕ آمُت زِ ترٛٮ۪ن گنٹن تام روٗد ملی ٹنٹن تہٕ سیکیورٹۍ فورسن درمیان تصادُم جٲری یتھ منٛز فوجٕکۍ زٕ اہلکار زخمی گٔے تہٕ تِم آے نوزُک حالتس منٛز ہسپتال واتناونہٕ۔تہٕ ترٛٮ۪ن گنٹن ہٕنٛدِ امہِ تصادُمہٕ پتہٕ پٔھہلے کاستی گڑھ کِس علاقس منٛز خاموشی۔تہٕ سیکیورٹی فورسن چھِ تمام ژلنٕچہِ وتہٕ بند کرِ مژٕتہٕ ملی ٹنٹ مارنہٕ باپتھ چُھ ہیلی کاپٹرن ہُنٛد مدد منٛگنہٕ آمُت۔}