”میلا ماتا کھیر بھوانی”منٛز عقیدت مندَن ہٕنٛز زبردست شرکت چھُ اکھ اصل پٲغام: منوج سنہا

جموں و کشمیرٕک لیفٹیننٹ گورنر منوج سنہاہن ووٚن زِ وسطی کشمیر کِس گاندربل ضلعہٕ کِس تولا ملا علاقس منٛز واقع ماتا کھیر بھوانی مندرس منٛز منعقد گژھن وٲلِس ‘میلا ماتا کھیر بھوانی’ منٛز چھِ واریٛاہ تعدادَس منٛز عقیدت مند حصہٕ نِوان۔ یُس اکھ مثبت پٲغام چُھ۔ تٔمۍ کوٚر ذِکِر زِ سالانہٕ شری امرناتھ جی یاترا خٲطرٕ چھِ تمام اِنتِظام تہِ حتمی شکل دِنہٕ آمٕتۍ۔ لیفٹیننٹ گورنرَن کوٚر بوموارِ دۄہ میلہ ماتا کھیر بھوانی کِس دورَس دوران صحافیَن سۭتۍ کَتھ کران یِمَن جذباتَن ہُنٛد اِظہار۔