بڈگامَس منٛز گِرِفتار ڈرگ ڈیلر، ممنوعہ مواد برآمد: پولیس

منشیاتَس خٕلاف جنگ جٲری تھوِتھ چھُ پولیسَن وسطی کشمیر کِس بڈگام ضلعہٕ کِس خان صاحب علاقَس منٛز اکھ ڈرگ ڈیلر گرفتار کوٚرمُت، تہٕ أمۍ سٕنٛدِ قبضہٕ منٛزٕ چھُ ممنوعہ سامان تہٕ نقد رقم برآمد کٔرمٕژ۔ پُلیٖسٕکہِ ترجُمانَن دِژ أکِس بیانَس منٛز تفصیٖل فراہم کٔرِتھ زِ خان صٲب پُلیٖس تھانہٕ کِس أکِس ٹیٖمن وُچھ دریا گام علاقَس منٛز معموٗلی گشتَس دوران اکھ مشکوک شخٕص بیگ ہیتھ ، ییٚمۍ پُلیٖس وُچھِتھ ژلنٕچ کوٗشِش کٔر مگر سُہ آو موقعہٕ پٮ۪ٹھ رٹنہٕ۔ تِمَو ووٚن زِ تلاشی دوران آو أمۍ سٕنٛدِ بیگہِ منٛزٕ 14 کِلوگرام تہٕ 755 گرام پوست ہِش ممنوعہ مواد برآمد کرنہٕ، یَتھ سۭتۍ 18,640 رۄپیہِ نقد تہِ اوس۔