این ڈی پی ایس ایکٹس تحت غٲر منقولہ جائیداد ضبط: سرینگر پولیس

منشیاتن خٕلاف أکِس بٔڑِس آپریشنَس منٛز کوٚر سری نگر پولیسَن این ڈی پی ایس ایکٹَس تحت أکِس بدنام ڈرگ ڈیلرَس سۭتۍ تعلُق تھاوَن وٲلۍ تقریباً اکھ کروڑ رۄپیَن ہُنٛد غیر منقولہ جائیداد ضبط۔ پُلیٖسٕکہِ ترجُمانَن ووٚن زِ سِریٖنَگر پُلیٖسن کٔر تاکِنواری کرن نَگرس منٛز روزَن وٲلِس أکِس بدنام ڈرٛگ ڈیلر پرویز احمد بٹ سٕنٛزِ تقریٖباً اَکھ کۄروُر رۄپیَن ہِنٛز جائیداد ضبط، یَتھ منٛز زٔمیٖن تہٕ زٕ منزلہٕ رِہٲیشی مکان شٲمِل چھِ۔ تٔمۍ ووٚن زِ مُلزِم چھُ سنگم پولیس تھانس منٛز این ڈی پی ایس ایکٹ کِس دفعہ 8، 20 تہٕ 29 ہَس تحت درٕج ایف آٮٔی آر نمبر 02/2024 منٛز شٲمِل۔