بارہمولہ: جہلمَس منٛز غرقاب گشھن وٲلِس نوجوانَن سٕنٛز لاش دۄیو دۄہَو پتہٕ برآمد

شُمٲلی کشمیر کِس بارہمولہ ضلعہٕ کِس جٹی خواجہ باغ علاقَس منٛز سرٛان کران جہلم دٔریاوَس منٛز ڈُبن وٲلِس أکِس نوجوان سٕنٛز لاش آیہِ بۄموارِ دۄہ صبحٲے برآمد کرنہٕ۔ ذٔرایعو ووٚن زِ 6 جولائی دۄہ بارہمولہ کِس جٹی خواجہ باغ علاقس منٛز سرٛان کرنہٕ وِزِ اوس اکھ نوجوان جہلم دٔریاوَس منٛز ڈُبیامُت ، ییٚمہِ پتہٕ ایس ڈی آر ایف، بارہمولہ پولیس تہٕ مقٲمی لوٗکَو بٔڑِس پیمانَس پٮ۪ٹھ تلاشی مہم شُروٗع کٔرمٕژ ٲس۔ تِمَو ووٚن زِ آپریشن روٗد لگاتار جٲری تہٕ بۄموارِ دۄہ صبحٲے 8 بجے آیہِ نوجوان سٕنٛز لاش برآمد کرنہٕ۔