11 پٮ۪ٹھ 13 جولائی تام کٔشیٖرِ منٛز گرم تہٕ مرطوب حالاتن ہٕنٛزموسمی پیشنگویی۔
پٔتمٮ۪و دۄیو دۄہو پٮ۪ٹھ بٔڑِس پٲمانَس پٮ۪ٹھ روٗد پٮ۪نہٕ پتہٕ چھُ وادی کشمیرُک موسم خوشگوار ییٚمہِ سۭتۍ لوٗکَن 15 دۄہَن تام شٔدیٖد گرم لہرٕ نِش راحت میٖج ۔ أتھہِ دوران چھُ موسمیات محکمَن 11 پٮ۪ٹھ 13 جولائی تام گرم تہٕ مرطوب موسمٕچ پیشین گوئی کٔرمٕژ۔ کٔشیٖرِ ہٕنٛدِس موسمَس مُطٲبِق چھُ سرینگرَس منٛز پٔتمہِ ژوُہَن گھنٹَن منٛز 2.6 ملی میٹر روٗد رِیکارڈ کرنہٕ آمُت۔ وادی کٮ۪ن مشہوٗر سیاحتی جاین گلمرگ تہٕ پہلگامَس منٛز آو بِلترتیب 12.6 ملی میٹر تہٕ 2.4 ملی میٹر روٗد درٕج کرنہٕ۔