خانیارس منٛز 1.5 کرور روپین ہٕنٛدِ نشاور ادوِیات ضبط: پولیس

نشاور فروشن خٕلاف پنٕنہِ مُہِم جٲری تھوان چھِ سرینگر پولیسَن اَکہِ اہم کاروٲیی دوران این ڈی پی ایس ایکٹس تحت تقریٖباً 1.5 کرور رۄپیہِ مۄلٕچ رہٲیشی جایداد ضبط کٔرمٕژ۔ پولیسٕکۍ ترجمانَن وون زِ ضبط کرنہٕ آمٕتۍ جایداد منٛز چھُ اکھ زٕ منزلہٕ رہٲیشی مکان تہٕ اکھ کنال ژور مرلہ زمین شٲمِل، یُس مرحوٗم عبدالرحمان بھٹ سٕنٛدِس نیٚچِوِ گلزار احمد بھٹ سٕنٛدِس ناوس پٮ۪ٹھ درٕج چھُ، یُس بڈو باغ خانیار، سرینگرَس منٛز روزان چھُ۔ یہِ جایداد چھُ وُنکیٚنَس أمہِ سٕنٛدِس نیٚچوِس سہیل احمد بھٹ سٕنٛدِس قبضس منٛز۔ یُس اکھ بدنام نشاور ادوِیات باپٲر چھُ تہٕ خانیار پُلیٖس تھانس منٛز این ڈی پی ایس ایکٹس تحت درٕج أکِس کیسَس منٛز شٲمِل چھُ۔۔