جموں و کشمیرَس منٛز چھِےٚ ملی ٹنسی پنٕنۍ ٲخری نِوان / منوج سنہا

لیفٹیننٹ گورنر منوج سنہاہَن ووٚن زِ جموں و کشمیر پولیس چھِ نہ صرف ملی ٹنسی خلاف لڑان، امن و امان برقرار تھاوان تہٕ شہرین ہٕنٛز حفاظت کران بلکہِ چھِ سمٲجی تہٕ اقتصٲدی ترقی ہُنٛد اکھ اہم ایجنٹ تہِ۔ تٔمۍ ووٚن زِ جموں و کشمیرَس منٛز چھِ ملی ٹنسی پنٕنۍ ٲخری دم نِوان۔ امنَن چھِ بے مثال ترقی قٲبل بنٲومٕژ تہٕ لوٗکَن ہٕنٛزِ زِنٛدگی منٛز چھِ زیادٕ خۄشحٲلی حٲصِل کٔرمٕژ۔ سی این آی مُطٲبِق کوٚر لیفٹیننٹ گورنر منوج سنہاہَن سرینگرَس منٛز 10 مِس آل انڈیا پولیس جوڈو کلسٹرَس منٛز کھلاڑٮ۪ن خٕطاب ۔ پننِس خطابس دوران ووٚن تٔمۍ زِ جموں و کشمیر پولیسَن چھُ مركزی زیر انتظام علاقَس منٛز صنعتی ترقی تہٕ مجموعی ترقی خٲطرٕ امن تہٕ اکھ مستحکم معاشرٕچ یٔقیٖنی بنٲومٕژ۔ تٔمۍ ووٚن ‘جموں و کشمیرَس منٛز ملی ٹنسی چھِ ٲخری دم نِوان۔ امنَن چھُ بے مثال ترقی کٔرمٕژ تہٕ لوٗکَن ہٕنٛزِ زِنٛدگی منٛز چھِ زیادٕ خۄشحٲلی حٲصِل کٔرمٕژ۔ پوٗرٕ مُلکَس منٛز چھِ سیکیورٹی منٛز نمایاں بہتری آمٕژ۔ کھورِ درِ انتہا پسندی ہٕنٛدۍ موٗل چھِ ختم گٔمٕتۍ، تہٕ ہندوستان چھُ تیزی سان اقتصٲدی ترقی ذٔریعہٕ ترقی کِس أکِس نٔوِس دورَس منٛز دٲخٕل گَژھان’۔