اے آیی پی یَن کٔر عمر عبداللہ ہَس سیٲسی ہتھیار ترٛاونس پٮ۪ٹھ تنقید,بڈگام ضمنی اِنتِخابس خٲطرٕ نذیر احمد خان پارٹی امیدوار قرار۔

عوامی اتحاد پارٹی (اے آئی پی) کٔر پریس کلب سرینگرَس منٛز پریس بریفنگ یَتھ منٛز چیف ترجمان انعام النبی سٕنٛز قیادتَس منٛز نائب صدر ایڈووکیٹ جی این شاہین، جنرل سیکریٹری شہزادہ پرویز، ترجمان فردوس بابا، فنانس سیکریٹری پرویز بھٹ تہٕ ڈی ڈی سی مظفر ڈار، اعجاز لون تہٕ عقیب مشتاق ہٮ۪تھ سینئر رہنُما شٲمِل چھِ۔

میڈیاہَس سۭتۍ کَتھ باتھ کٔرِتھ کٔر اِنعم النبی یَن عمر عبداللہ پٮ۪ٹھ سخت تنقید تہٕ تٔمِس پٮ۪ٹھ الزام لگٲوِتھ زِ تٔمِس چھُ "جموں و کشمیر کٮ۪ن لوٗکَن مُتعلِق پرٮ۪تھ معاملَس منٛز ہار مانُن”۔ تٔمۍ ووٚن زِ "اگر عمر عبداللہ ایم پی بارامولا الرشید سُنٛد مشورٕ سنجیدگی سان نِیُن تہٕ ریاستُک درجہ بحال گژھنَس تام حلف تُلنس نِش انکار کٔرِہا، تیٚلہِ آسہِ وۄنۍ صورتحال واریاہ بدل۔ أسۍ کٔرِو نہٕ آز ریاستہٕ بناونٕچ درخواست۔”