راجیہ سبھا چُناو: کانگریسُک این سی پٮ۪ٹھ اِلزام، ہم خیال جمٲژن سۭتۍ مشورٕ کرُن اوس ضروری: غلام احمد میر

جموں و کشمیرَس منٛز راجیہ سبھا اِنتِخابس مُتلِق چھُ کانگریس پارٹی نیشنل کانفرنسَس (این سی) پٮ۪ٹھ الزام لگٲومُت زِ پارٹی پَزِ پَنٕنۍ امیدوار ژارنہٕ برٛونٛہہ سارنٕے ہم خیال جمٲژن سۭتۍ مشورٕ کرُن۔ اننت ناگَس منٛز نامہ نگارن سۭتۍ کتھ باتھ کٔرِتھ ووٚن اے آیی سی سی ہٕکۍ جنرل سیکریٹری غلام احمد میرَن زِ نیشنل کانفرنسَس پَزِ راجیہ سبھا کین امیدوارَن ہٕنٛز فہرست حتمی شکل دِنہٕ برٛونٛہہ تمام ہم خیال جماعتَن اعتمادَس منٛز نِنہٕ۔ غلام احمد میرَن ووٚن بیٚیہِ زِ کانگریسَس چھُ یقین زِ کانٛہہ تہِ غٲر بی جے پی ایم ایل اے دِیہِ نہٕ نیشنل کانفرنس وۄمیدوار سٕنٛدِس حقَس منٛز ووٹ۔