سرکٲرۍ ایجنسیَن ہٕنٛز انتظٲمی تہٕ آپریشنل کارکردگی بڑاوٕنۍ تہٕ رہنمٲیی کرٕنۍڈاکٹر عبدالکبیر سٕنٛدِس قیادتس منٛز کوٚر اے آر آٮٔی اینڈ ٹی محکمٕچ اکہِ ٹیمَن ہارٹیکلچر ڈائریکٹوریٹ ہُنٛد معٲینہٕ۔

کہؤٹ خبر /اطہر ابنِ اطہر

ڈاکٹر عبدالکبیر ڈار، سکریٹری ٹیکنیکل ایڈمنسٹریشن، ریفارمز، انسپیکشن اینڈ ٹریننگ ڈیپارٹمنٹ کِس قیادتس منٛز کوٚر أکۍ ٹیمَن ہارٹیکلچر ڈائریکٹوریٹ ہُنٛد اکھ جامع انتظٲمی معائنہٕ۔ اتھ وقتس دوران کوٚر محکمہٕ کٮ۪و حکامَو ریکارڈَن ہُنٛد جٲیزٕ تہٕ کٔرٕن جٲری منصوبَن پٮ۪ٹھ کَتھ باتھ۔ اَتھ موقعَس پٮ۪ٹھ کٔر تٔمۍ ڈائریکٹر ہارٹیکلچر ظہور احمد تہٕ باقی سینئر سٹاف سۭتۍ مُختٔلِف محکمہٕ سرگرمیَن ہٕنٛز کتھ۔ حکومتی محکمن ہنٛز آپریشنل کارکردگی ہنٛد اندازٕ لگاونہٕ خاطرٕ چِھ انتظامی معائنہٕ اہم، تم چِھ متعلقہ محکمن ہنٛز پالیسین تہٕ پروگرامن ہنٛد نفاذ ہنٛد جائزٕ ننس منٛز مدد کران، مطلوبہ نتائج یقینی بناونس منٛز تہٕ اے آر آی ہنٛد طرفہٕ عوأمی بھلائی خاطرٕ تیار کردہ ماڈل پروفارماہس سۭتۍ ہم آہنگی یقینی بناوان۔ یِم سروے چھِ وسٲئلن ہُنٛد مؤثر استعمال، بہتری خٲطرٕ علاقن ہٕنٛز نشاندہی کرنس تہٕ بہتٔریٖن طریقن تہٕ اختراعی حلن فروغ دِنس منٛز تہِ مدد کران