عمر عبداللہ ہَن کوٚر پولیس یادگاری دۄہَس پٮ۪ٹھ پُلسہٕ شہیدَن خراج تحسین پیش

جموں و کشمیرٕکۍ وزیر اعلیٰ عمر عبداللہ ہَن کوٚر بوموارِ دۄہ پولیس یادگاری دۄہ کِس موقعَس پٮ۪ٹھ پولیس شہیدَن شاندار خراج تحسین پیش۔ یہِ چھُ نوٹ کرنہٕ یِوان زِ پولیس یادگاری دۄہ آو بوموارِ دۄہ سرینگر کِس پولیس میموریل زونَس منٛز پُلسہٕ اہلکارَن ہٕنٛز بہادُری تہٕ اعلیٰ قۄربٲنی ہُنٛد احترام کرنہٕ خٲطرٕ مناونہٕ یِمو ڈیوٹی دوران پنٕنۍ جان قربان کٔر۔ وزیر اعلیٰ سٕنٛدِس دفترس کِس ‘X’ ہینڈلَس پٮ۪ٹھ أکِس پوسٹَس منٛز اوسُکھ وننہٕ آمُت: ‘اَز کوٚر وزیر اعلیٰ سرینگر کِس زونَس منٛز پولیس یادگاری دۄہَس پٮ۪ٹھ پولیس شہیدَن شاندار خراج تحسین پیش کرنہٕ’۔ پوسٹَس منٛز اوسُکھ بیٚیہِ وننہٕ آمُت: ‘تٔمۍ کٔر ڈیوٹی دوران پولیس اہلکارَن ہِنٛدِ دٔسۍ دِنہٕ آمٕژ عظیم قۄربٲنِیَن خراج تحسین پیش کرنہٕ’۔