عمر عبداللہ ہَن کوٚر بڈگام کٮ۪ن لُکن ہٕنٛدِس بھروسَس ستی دھوکھہٕ: ترُون چھگ

جموں و کشمیرَس منٛز بھارتیہ جنتا پارٹی (بی جے پی) کٔر پننہِ جٲری انتخابی مُہمہِ ہٕنٛدِ حصہٕ پٲٹھۍ بڈگام ضِلعہٕ کِس عالمدار کالونی، میرگنڈَس منٛز اکھ بٔڑ ریلی۔
بی جے پی قومی جنرل سکریٹری تہٕ جموں و کشمیر بی جے پی پربھاری ترُن چھگ، جموں و کشمیر بی جے پی صدر ست شرما، تہٕ جنرل سیکریٹری (تنظیم) اشوک کول تہٕ پارٹی ایم ایل اے وۄمیدوار آغا سید محسنَن کٔر ریلیہِ ہُنٛد بنیٲدی طور خطاب۔ بی جے پی ہُنٛد نٲیِب صدر ڈاکٹر شہناز گنائی، سٹیٹ سیکریٹری مدثر وانی، پربھاری بڈگام شیخ بشیر، ضِلعہٕ صدر غازی راہُلہ، تہٕ ڈاکٹر علی محمد میر، اشرف آزاد، سمیر شاہ، امتیاز احمد تہٕ ار. عزیز حسین تہِ ٲسۍ موجود۔
ہجومس خٕطاب کٔرِتھ کٔر ترُن چگَن عمر عبداللہ سٕنٛدِس قیادتس منٛز حکوٗمتَس پٮ۪ٹھ سخٕت تنقید، تہٕ لگٲوُن أمِس پٮ۪ٹھ لوٗکَن ہُنٛد بھروسہٕ دھوکھہٕ دِنُک تہٕ اکھ تہِ وعدٕ پوٗرٕ کرنس منٛز ناکام۔