کلچرل اکیڈمی ہُنٛد سرینگرَس منٛز "ڈرگسو نِش بچُن” کِس موضوعَس پٮ۪ٹھ سٹریٹ ڈراماہن ہُنٛد اِنتِظام ۔

جموں و کشمیر اکیڈمی آف آرٹ، کلچر اینڈ لینگویجزن کٔر از منشیاتس خٕلاف بیدٲری مہمہِ ہٕندِ حصہٕ رنگۍ کشمیر یونیورسٹی، عیدگاہ پارکہ، تہٕ بٹامالو بس سٹینڈس منز بامقصد سٹریٹ پلے ہُند اہتمام ۔ ڈراماہن ہُنٛد عنوان اوس "ڈرگس نِش بچو یا نشہ آزاد روزُن”۔ یِم سٹریٹ ڈراما کٔر تُل کل آرٹس اینڈ میڈیا کلیکٹو ہٕنٛدٮ۪و باصلاحیت فنکارو پیش یِمَن منٛز رئیس وتھوری، طاہر نجار، تنویر احمد، منظور الحق، عبدالعزیز، جنید نذیر، سہیل احمد تہٕ باقٕے فنکار شٲمِل چھِ۔ پننہِ اثر دار کارکردٕگی ذٔریعہٕ کوٚر فنکارو معاشرَس منٛز نشاور ادوِیاتُک غلط استعمالَس پٮ۪ٹھ سٮ۪ٹھاہ تشویشُک اظہار تہٕ واتنووُکھ نوجوانَن نشِش دوٗر روزنُک تہٕ صحت مند زندگی گزارنُک پٲغام۔ کشمیر یونیورسٹی منٛز اَتھ موقعس پیٹھ ٲسۍ طالبہِ علمَن ہٕنٛز بہبودُک ڈین، واریاہ طٲلب علم تہٕ کشمیر یونیورسٹی ہٕنٛدۍ کلچرل آفیسر شاہد علی خان موجود۔ عیدگاہ تہٕ بٹامالوَس منٛز آیہِ لوٗکَن ہٕنٛدِ ؤچھنہٕ باپتھ سٹریٹ ڈراما تہِ منعقد کرنہٕ۔