جموں و کشمیرَس منٛز آیہِ 200,000 کھۄتہٕ زِیٛادٕ ہونٮ۪ن ہِنٛدِ کھؠنکی معاملہٕ رپورٹ 2022 پٮ۪ٹھٕ 2025 تام 212,968 درٕج کرنہ: حکوٗمت

جموں و کشمیر حکوٗمتَن ووٚن بوموارِ دۄہ زِ جموں و کشمیرَس منٛز آیہِ 2022 پٮ۪ٹھٕ 2025 تام ہونٮ۪ن ہٕنٛدِ کاٹنٕکۍ 212,968 معاملہٕ درٕج۔ ایم ایل اے مبارک گُل سٕنٛدِس أکِس سوالُک جواب دِوان ووٚن حکوٗمتَن بوموارِ دۄہ اسمبلی منٛز زِ 2022 پٮ۪ٹھٕ 2025 تام چھِ 212,968 لوٗکَن ہونٮ۪ن دِنہٕ آمٕتۍ۔ یہِ آو وننہٕ زِ اینیمل برتھ کنٹرول (اے بی سی) پروگرامَس تحت چھِ ستمبر 2023 پٮ۪ٹھٕ 48,998 آوارٕ ہونٮ۪ن ہنس بندی کرنہٕ آمٕتۍ۔ مُتعلقہٕ وزیرَن ووٚن زِ آوارٕ ہونٮ۪ن ہٕنٛز نس بندی ہٕنٛز مُہِم آیہِ میونسپل اِدارَن ہٕنٛدِ مِلِتھ چلاونہٕ۔ تٔمۍ ووٚن زِ سِرینگرَس منٛز کٔرۍ حُکامَو جوٗن 2023 پٮ۪ٹھٕ اکتوبر 2024 تام 14,000 ہُونۍ ہُونۍ ہانٛٹھ کٔرِتھ، ییٚلہِ زَن جموں میونسپل کارپوریشنَن کٔر 2023 کِس وسطَس تام 17,000 کھۄتہٕ زِیٛادٕ ہُونۍ ہانٛٹھ ۔ تٔمۍ ووٚن زِ اتھ پروگرامس چھُ اینیمل ویلفِیَر بورڈ آف انڈیا کہِ طرفہٕ تعاون تہٕ یہِ چھُ مقٲمی شہری اِدارٕ دٔسۍ نافذ کرنہٕ یِوان۔