کٲشِر زبٲنۍ ہٕنزِ موجودگی پٮ۪ٹھ سوالیہ نشان، حکومتی نقطہٕ نظر مقٲمی زبانہِ موٗلہٕ پرٛاٹے کرنس پٮ۪ٹھ۔ اسمبلی منٛز چھُنہٕ کانٛہہ ترجمہٕ کار، وٲحِد کٲشِرِ روزنامہٕ "کہؤٹس” اشتہار بند، مٲہرین ناراض۔

کٲشرِ زبٲنۍ فروغ دِنہٕ کس سلسلس منز سرکٲرۍ سطحس پیٹھ زوردار دعوا کرنہ باوجود چھےٚ زمینی حقیقت انتہٲیی تشویشناک تہ مایوسی بخش۔ حالَے انکشافَو مُطٲبِق چھُنہٕ جموں و کشمیر قونوٗن ساز اسمبلی منٛز کٲشِرِ زبٲنی ہُنٛد کانٛہہ ترجمہٕ کار۔ یہٕ صورتحال چھےٚ اتھ حقیقتس بے نقاب کران زِ سۄ زبان یتھ آئینی تہٕ ادارٕ جاتی پلیٹ فارمن پیٹھ ساروی کھوتہٕ زیادٕ احترام گژِھہ حٲصل گژُھن سُہ چُھ مسلسل نظر انداز یوان کرنہٕ تہٕ محض رسمی دعوہن ہنٛدِ تابع یوان کرنہٕ۔ حالٕے اسمبلی کِس اجلاسَس منٛز کوٚر نیشنل کانفرنسٕکۍ سینئر رہنُما مبارک گُلَن اسمبلی احاطس منٛز میڈیاہَس سۭتۍ کتھ کران سٮ۪ٹھاہ تشویشُک اظہار تہٕ ووٚنُن زِ کٲشِر زبان چھِ سٲنۍ شناخت، مگر اتھ چھُنہٕ سرکٲرۍ سطحَس پٮ۪ٹھ سُہ درجہٕ دِنہٕ یِوان۔ تٔمۍ سندِ مُطٲبِق چھِنہٕ ریاستی ادارن منٛز کٲشِرِ زبانہِ ہٕنٛدِ استعمال تہٕ فروغ دِنٕکۍ اقدامات تقریباً موجودٕے۔ ییٚمہِ کِنۍ وٲحِد کٲشِرِ روزنامہٕ "کہؤٹس ” تہِ اِشتِہار چھِ رُکاونہٕ آمٕتۍ۔