بہار اسمبلی چُناو : پُر امن، شفاف تہٕ منصفانہٕ پولنگ خٲطرٕ گٔے تمام اِنتِظام مُکمل: گورنر عارف محمد خان

بہارٕکۍ گورنر عارف محمد خانَن ووٚن زِ ریاستَس منٛز چھِ اسمبلی چُناو کہِ گۄڈٕنِکہِ مرحلٕچ تمام تَیٲرِی مُکمل گٔمژٕ تہٕ یِم چُناو چھِ جموٗرِیَتکہِ اکہِ عظیم جشنٕکۍ پٲٹھۍ۔
تٔمۍ ووٚن زِ ملکَس منٛز چھُ جمہوری نظام گۄڈٕنِکہِ کھۄتہٕ زیادٕ مضبوٗط گوٚمُت تہٕ وۄنۍ چھِ عوام طاقتُک اصلی ذریعہٕ۔
گورنر عارف محمد خانَن ووٚن یہِ بۄدوارِ دۄہ شیر کشمیر انٹرنیشنل کانفرنس سینٹرَس منٛز أکِس تقریبہٕ پتہٕ صحافیَن سۭتۍ کتھ باتھ کران۔
تٔمۍ ووٚن ‘پگاہ چُھ ووٹنگ ہُنٛد دۄہ، تہٕ تمام انتظاماتن چھےٚ حتمی شکل دِنہٕ آمٕژ۔ مےٚ چھُ یقین زِ سٲنِس مُلکَس منٛز چھِ جموٗرِیَت واریاہ مضبوٗط گٔمٕژ۔’
گورنرَن ووٚن زِ قیادتُک تعین چھُنہٕ خاندٲنی پس منظرٕ سۭتۍ بلکہِ عوٲمی ووٹہٕ سۭتۍ گژھان۔ یُس شخص حکومت چلاوان چُھ سُہ چُھ عوام ژارنہٕ یوان۔ یِم رہنُما چھِ اکہِ مخصوٗص وقتہٕ خٲطرٕ ہندوستان کٮ۪ن لوٗکَن تہٕ ریاستن نِش اِختِیار حٲصِل کران۔ حقیقی خودمختاری چھِ عوامس سۭتۍ، نہ کہ حکومتن سۭتۍ۔