نوگام پُلیٖس تھانہٕ دھماکَس منٛز 9 افراد ہلاک، 32 زخمی۔ دھماکہٕ اوس حٲدثٲتی طور گوٚمُت : جموں و کشمیر پولیس سربراہ
جموں و کشمیر پُلیٖس سربراہ نلِن برہتَن کوٚر بۄدوارِ دۄہ نوگام پُلیٖس تھانس منٛز راتھ رٲژ سپدن وٲلِس دھماکہٕ کانٛہہ تہِ ملی ٹنسی ہُنٛد زاویہِ آسنہٕ نِش اِنکار تہٕ ووٚنُن زِ یہِ اوس اکھ حٲدثٲتی دھماکہٕ
تٔمۍ ووٚن زِ اَمہِ افسوسناک واقعٕچ تفتیش چھِ جٲری۔
پُلیٖس سربراہَن دِژ بَٹہٕ وارِ دۄہ یَتہِ أکِس مختصر پریس کانفرنسہِ دوران دھماکَس مُتعلِق تَفصیٖلات ۔
تٔمۍ ووٚن: ‘نوگام پُلیٖس تھانس منٛز درٕج کرنہٕ آمٕتہِ ایف آیی آر نمبر 162/2025 کِس تٔحقیٖقاتَس دوران آیہِ 9 تہٕ 10 نومبر فرید آباد، ہریانہ پٮ۪ٹھٕ بٔڑِس مقدارس منٛز دھماکہٕ خیز مواد، کیٖمیٲیی مادٕ تہٕ رِیجنٹ برآمد کرنہٕ۔