کٔشیٖرِ منٛز چُھ سخٕت ونٛدٕ جٲری، یُس سریٖنگرس منٛز بیٛاکھ سارِوٕے کھۄتہٕ سرد رات ریکارڈ ۔
وادی کٔشیٖرِ منٛز چُھ سخت ونٛدٕ جٲری تِکیٛازِ رٲژ ہُنٛد درجہٕ حرارت چھُ لگاتار لُکن ہِنٛدِ خٲطرٕ مُختٔلِف مُشکِلات پٲدٕ کَران۔
محکمہٕ موسمیات کِس ترجمانَس مُطٲبِق آو رٮ۪تہٕ کالہِ رازدٲنی سرینگرَس منٛز کم از کم درجہٕ حرارت 2.4 ڈگری سیلسیس ریکارڈ کرنہٕ، یُس موسمٕچ بیٛاکھ اکھ سرد رات چھےٚ۔
وادی ہٕنٛدِس مشہوٗر سیاحتی مُقام پہلگامَس منٛز آو رٲژ ہُنٛد درجہٕ حرارت منفی 3.8 ڈگری سیلسیس ریکارڈ کرنہٕ، ییٚلہِ زَن گُلمرگہِ منٛز آو کم از کم درجہ حرارت 0.5 ڈگری سیلسیس ریکارڈ کرنہٕ۔
کپواڑہ کِس سرحدی ضِلعس منٛز آو کم از کم درجہٕ حرارت منفی 2.4 ڈگری سیلسیس ریکارڈ کرنہٕ، ییٚلہِ زن قاضی گنٛڈ قصبس منٛزیتھ گیٹ وے آف کشمیر ونان چھِ، اوس رٲژ ہُنٛد درجہ حرارت منفی 2.3 ڈگری سیلسیس۔
أتھۍ دوران اوس وادی منٛز بٹہٕ وارِ دۄہ صبحٲے پیٹھٕ آسمان صاف تہٕ اتہِ اوس ہلکہٕ تاپھ تہِ۔