دِلہِ کار بم دھماکس چُھس بہٕ سٮ۪ٹھاہ مذمَت کَران، اتھ منٛز شٲمِل ملزمن گژھِ سخت سزا دِنہٕ یُن۔وائٹ کالر انتہا پسندی ہٕندۍ وجوہات حل کرٕںۍ چھُ ضروری:سید محمد الطاف بخاری

اپنی پارٹی چھُ نیہِ دِلہِ منٛز حالٕے گاڑِ دھماکہٕ تہٕ کینٛہہ تعلیم یافتہٕ نفرَن ہِنٛدِس مُلوث آسنس پٮ۪ٹھ سٮ۪ٹھاہ تشویشُک اِظہار کوٚرمُت۔ اپنی پارٹی دِیُت گاڑِ دھماکہٕ ملی ٹنٹن ہٕنٛزِ بدترین کاروٲیی قرار تہٕ کٔرٕکھ اَمِچ سخٕت مَذمَت، ییٚلہِ زَن نیہِ دِلہِ پٮ۪ٹھ زور دِِنہٕ آو زِ تِم نِیِنۍ تِمَن بُنیٲدی وجوہاتَن ہُنٛد جٲیزٕ یِم وائٹ کالر نفرَن اَمہِ قٕسمٕچ ملی ٹنسی کارروائیَن منٛز حصہٕ نِنَس پیٹھ مجبور کران چھِ۔ پارٹی ووٚن زِ یِمَن وجوہاتَن ہُنٛد پردہ فاش کرُن تہٕ حل کرُن چھُ یہِ یٔقیٖنی بناونہٕ خٲطرٕ ضروٗری زِ انتہا پسندی ییہِ ختم کرنہٕ تہٕ یِتھۍ واقعہٕ گژھن نہٕ مستقبلَس منٛز گژٕھنۍ۔

موصول بیانَس مُطٲبِق کوٚر اپنی پارٹی یِمن خیالاتن ہُنٛد اظہار از شیخ باغس پارٹی دفترَس منٛز مُنعقد أکِس ورکنگ کمیٹی اجلاسَس دوران ۔ اَمہِ اجلاسٕچ صدارت کٔر پارٹی صدر سید محمد الطاف بخارین ۔