ٹنگمرگ ڈی ایف او عمارت نارس منٛز سوٗرۍ۔

شُمٲلی کشمیر کِس بارمولہ ضِلعہٕ ٹنگمرگہِ منٛز گوٚو بۄدھوارِ دۄہ صُبحٲے نارس منٛز ڈویژنل فاریسٹ آفس (ڈی ایف او) عمارژ واریاہ نۄقصان۔
ذٔرایعَو دِژ اطلاع زِ بۄدوارِ دۄہ صُبحٲے لوٚگ ٹنگمرگہِ منٛز ڈویژنل فاریسٹ آفسٕچ عمارتہِ منٛز نار، یَتھ نارٕ کِنۍ وارِیاہ نقصان گوٚو۔
فائر اینڈ ایمرجنسی ہٕنٛدِ أکۍ افسرَن ووٚن زِ نارٕچ اطلاع مِلنہٕ پتہٕ آیہِ نارٕکۍ ٹینڈر فوری طور جایہِ پٮ۪ٹھ سوزنہٕ۔
تٔمۍ ووٚن زِ حالانٛکہِ نار آو قوبوٗہس منٛز اننہٕ، مگر عمارت ہیٚچ نہٕ شدید نۄقصانہٕ نِش بچٲوِتھ۔
تٔمۍ ووٚن زِ اَتھ واقعَس منٛز چھُنہٕ کانٛہہ تہِ جٲنی نۄقصانٕچ اطلاع دِنہٕ آمٕژ۔
تٔمۍ ووٚن بیٚیہِ زِ نارُک وجہس چھےٚ تفتیش یِوان کرنہٕ۔
أتھۍ دوران چھُ پولیسَن اَتھ سلسلَس منٛز مقدمہٕ درٕج کوٚرمُت تہٕ چھُکھ کاروٲیی شُروٗع کٔرمٕژ۔