شوپیان: کیمیکل، دھماکہٕ خیز مواد، کھاد، ہارڈویئر چیز، آٹوموٹو ورکشاپ بیترٮ۪ن ہُند معٲینہٕ کرنٕچ مُہِم تیز:پُلیٖس

شوپیان پولیسَن کٔر پوٗرٕ ضِلعس منٛز کیمیکل، دھماکہٕ خیز مواد، کھاد، ہارڈویئر چیز، آٹوموٹو ورکشاپ تہٕ باقی حساس موادَن سۭتۍ وابستہٕ دُکانَن تہٕ کاربٲری ادارن ہُنٛد معٲینہٕ مُہِم مٔزیٖد تیز ۔
پولیسَن ووٚن زِ امہِ اقدامُک مقصد چھُ ریگولیٹری ضروٗرتَن ہٕنٛز تعمیل یقینی بناوٕنۍ، مُنٲسِب ریکارڈ تھاوُن، تہٕ موادٕچ موثر نگرٲنی یٔقیٖنی بناوٕنۍ تاکہ غٲر سمٲجی عناصرن ہُنٛد غلط استعمال یِیہِ رُکاونہٕ۔
تِمَو ووٚن زِ معٲینَس دوران چھُ دُکاندارَن خٔریٖدارَن ہُنٛد تَفصیٖلی ریکارڈ تھاونُک ہدایت دِنہٕ آمُت یَتھ منٛز شناختٕچ زانٛکٲری ، ہینہٕ آمُت مقدار تہٕ خٔریٖدٲری ہُنٛد بیان کرنہٕ آمُت مقصد شٲمِل چھُ۔
پُلیٖس ترجمانَن ووٚن زِ دُکاندارَن چھُ یہِ تہِ مشورٕ دِنہٕ آمُت زِ تِم لاگن پننٮ۪ن دُکانَن پٮ۪ٹھ سی سی ٹی وی کیمرا تاکہِ نگرٲنی ہٕنٛز صلٲحِیت یِیہِ بَڑاونہٕ تہٕ لین دینُک پوٗرٕ سراغ تھاون۔
تِمَو ووٚن زِ امہِ مضبوٗط معٲینہٕ کہِ نظامُک مقصد چھُ ضِلعٕچ مجموعی حفاظتی نگرٲنی مضبوٗط بناوٕنی تہٕ منظم چیٖزَن ہُنٛد مُمکِنہٕ غلط استعمال رُکاوُن۔