کٔشیٖرِ منٛز روزِ موسم اوٚبُر مگر یِنہٕ والٮ۪ن 5 دۄہَن منٛز روزِ خۄشٕک.
وادی کٔشیٖرِ منٛز شیٖن تہٕ روٗد پیٚنہٕ پتہٕ کٔر محکمہٕ موسمیاتَن پیشن گویی زِ موسم روزِ مجموعی طور اوٚبُر مگر عام طور روزِ یِنہٕ والٮ۪ن پانٛژن دۄہَن خۄشٕک۔ مُتعلقہٕ محکمٕکۍ ترجمانَن ووٚن زِ 23 پٮ۪ٹھٕ 28 دسمبر تام چھُ وادی ہُنٛد موسم کُنہِ حدس تام اوٚبُر روزُن۔
تِمَو ووٚن زِ پتہٕ چھُ 29 دسمبر موسم عام طور اوٚبُر آسُن تہٕ کینٛہہ پہٲڑی علاقَن منٛز ہلکہٕ شیٖن پیٚنُک اِمکان۔
تِمَو ووٚن زِ 30 دسمبر پٮ۪ٹھٕ 1 جنوری تام روزِ موسم اوٚبُر روزُن تہٕ پہٲڑی علاقَن منٛز کینٛہَن جاین ہلکہٕ شیٖن پیٚیہِ۔
تِمَو ووٚن ووٚن زِ 2 پٮ۪ٹھٕ 5 جنؤری تام چھُ وادی ہُنٛد موسم کُنہِ حدس تام اوٚبُر روزُن۔
محکمَن چھُ پننِس ایڈوائزری منٛز ٹرانسپورٹرَن تہٕ مسافرَن اپیل کٔرمٕژ زِ تِم کٔرِن ٹریفک پولیس تہٕ انتظامیہ طرفہٕ جٲری کَرنہٕ آمٕتۍ ایڈوائزری پٮ۪ٹھ عمل کرنٕ۔