لال بازار سرینگرَس منٛز نار، رہٲیشی مکانَس نۄقصان.

سری نگر کِس لال بازار علاقَس منٛز ژٔنٛدٕروارِ دۄہ صُبحٲے نار لگنہٕ کِس واقعَس منٛز آو اکھ ترٛےٚ پورٕ رہٲیشی مکانہٕ سوٗر کرنہٕ۔ذٔرایعَو وون زِ ژٔنٛدٕروارِ دۄہ صُبحٲے لوٚگ لال بازرَس منٛز أکِس رہٲیشی مکانَس منٛز نار، یَمہِ کِس نارَس سۭتۍ پوٗرٕ عمارتہٕ ژٔلِتھ ژٔلِتھ گٔیہِ علاقَس منٛز افراتفری پٲدٕ۔حکامَو ووٚن زِ نارٕچ معلوٗمات مِلنہٕ پتہٕ آیہِ فوری طور جایہِ پٮ۪ٹھ نارٕکۍ ٹینڈر سوزنہٕ، یِم کٲفی کوٗشِشہِ پتہٕ نار قوبوٗ کرنس تہٕ یہِ مزید پھٔہلنہٕ نِش رُکاونَس منٛز کامیاب گٔیہِ۔تِمَو ووٚن زِ اَتھ واقعَس منٛز گوٚو ترٛےٚ منزلہٕ رہٲیشی مکانَس شٔدیٖد نۄقصان۔حکامَو ووٚن زِ نار لگنٕکہِ وجہہ ہُنٛد تفتیش چھُ یِوان کرنہٕ، تہٕ اَتھ واقعَس منٛز چھُنہٕ کانٛہہ تہِ جٲنی نۄقصانہٕ ہٕنٛز اطلاع۔