لداخ بَنہِ بیٚیہِ اکہِ لٹہِ متحدہ جموں و کشمیرُک حِصہٕ: جاوید رانا

جموں و کشمیر کابینہِ ہٕنٛدِ سینئر وزیر، جاوید رانا ہَن ووٚن زِ سُہ دۄہ چھُنہٕ زیادٕ دور ییٚلہِ لداخ بیٚیہِ اکہِ لٹہِ متحدہ جموں و کشمیرُک حصہٕ بنہِ، تِکیازِ مرکٔزی حکوٗمتَس نِش چھُنہٕ اَمیُک کانٛہہ چارٕ۔
وزیر اوس قبیٖلہٕ برادرین سۭتۍ أکِس پروگرامَس دوران میڈیا سوالَن ہُنٛد جواب دِوان۔
بجلی، جنگلات، ماحولیات، ماحولیات تہٕ قٔبیٖلہٕ امور کِس محکمَن ہٕنٛز سربراہ جاوید راناہَن ووٚن زِ جموں خطہٕ اکھ الگ رِیاست بناونٕچ مُطالبہٕ چھِنہٕ کانٛہہ بُنیاد۔ تٔمۍ ووٚن، ‘مےٚ چھُ یقین زِ سُہ دۄہ چھُ نزدیک ییٚلہِ لداخ بیٚیہِ اکہِ لٹہِ جموں و کشمیرَس سۭتۍ رَلاونہٕ ییہِ۔ حکوٗمت ہند نِش چھُنہٕ بیٚیہِ کانٛہہ وَتھ۔’
ماضی کُن حوالہٕ دِوان ووٚن تٔمۍ زِ ‘اکھ وقت اوس ییٚلہِ جموں و کشمیر اکھ مُکمل رِیاست ٲس۔ ژےٚ دِیُت امہِ ریاستُک اکھ حِصہٕ پٲکِستانَس … گلگت بلتستان تہِ گۆو ۔ پتہٕ ژےٚ کٔر لداخ اسہِ نِش الگ۔ وۅنۍ چھہِ اسہِ صرف جموں و کشمیر۔ تہٕ یِمو یہِ تقسیٖم کٔر تِم چھِ وۄنۍ ونان زِ کانک منڈی تہِ گژھہِ رِیاست بناونہٕ یُن’۔