شوپیانَس منٛز منشیات فروش گِرِفتار، ممنوعہ چیز آو برآمد کرنہٕ: پولیس

جموں و کشمیرٕکۍ پولیسَن چُھ جنوٗبی کشمیر کِس شوپیاں ضِلعہٕ کِس ہیرپورہ علاقَس منٛز اکھ منشیات فروش گِرِفتار کوٚرمُت تہٕ أمِس نِش چھُ بٔڑِس مقدارَس منٛز ممنوعہ چیز برآمد کوٚرمُت۔پُلسہٕ کہِ ترجمانَن ووٚن أکِس بیانَس منٛز زِ ہیرپورہ پُلسہٕ تھانہٕ کہِ أکہِ ٹیٖمَن روٚٹ دچھنو، ہرپورہَس منٛز معموٗل ناکا چیکنگ دوران اکھ شَکاوَر شخٕص۔تٔمۍ ووٚن زِ تلٲشی دوران اوسُکھ أمۍ سٕنٛدِ قبضَس منٛز تقریباً 5 کِلوگرام چرٕس ہیوٗ ممنوعہ مادٕ برآمد کوٚرمُت، ییٚمہِ پتہٕ سُہ فوری طور موقعہٕ پٮ۪ٹھ گرفتار کرنہٕ۔مُلزِم سٕنٛز شناخت چھِ دیو پورہٕک روزَن وٲلِس اسلم ناوٕ سۭتۍ کرنہٕ آمٕژ۔پُلسہٕ ترجمانَن دِژ اطلاع زِ این ڈی پی ایس ایکٹ کٮ۪ن مُتعلقہٕ دفعَن تحت چھِ ہیرپورہ پولیس تھانس منٛز ایف آئی آر نمبر 6/2026 سۭتۍ ایف آئی آر درٕج کرنہٕ آمٕژ، تہٕ مٔزیٖد تفتیش چھِ شُروٗع کرنہٕ آمٕژ۔تٔمۍ ووٚن ووٚن زِ شوپیان پولیس چھِ نشاور نشہِ پاک معاشرٕ قٲیِم کرنہٕ باپتھ پرعزم ۔