اننت ناگَس منٛز آو ڈرگ ڈیلر سُنٛد منقولہ جائیداد ضبط کرنہٕ: پُلیٖس

نشاور ادوِیاتٕچ سَمگلِنٛگَس خٕلاف کریک ڈاوُن جٲری تھونہٕ خٲطرٕ چھُ اننت ناگ پولیسَن این ڈی پی ایس ایکٹَس تحت أکِس بدنام ڈرگ ڈیلر سُنٛد منقولہ جائیداد ضبط کوٚرمُت۔پُلسہٕ کہِ ترجمانَن ووٚن أکِس بیانَس منٛز زِ اننت ناگ پولیسَن چھُ واریاہَن منشیاتَن ہٕنٛدِس معاملَن منٛز شٲمِل أکِس عادت مُجرِم سُنٛد جایداد ضبط کوٚرمُت۔تٔمۍ ووٚن زِ بِجبہارا پُلیٖس تھانن چھےٚ JK03C-9999 نمبرَس تحت درٕج ٹاٹا سفاری گاڑِ ضبط کٔرمٕژ۔تٔمۍ ووٚن زِ یہِ گاڑِ چھِ بشیر احمد ڈار سٕنٛدِس نیچوِس حبیب اللہ ڈار سٕنٛدِس نیچوِس ، یُس گڈھن جی پورہ، بِجبہارا کِس روزَن وٲلِس چھُ۔پُلسہٕ ترجمانَن دِژ اطلاع زِ مُلزِم چھُ اکھ بدنام منشیات فروش یُس بار بار منشیاتٕچ اسمگلِنگ منٛز ملوث لبنہٕ چھُ آمُت۔تٔمۍ ووٚن زِ یہِ شخٕص اوسُکھ حالٕے ایف آئی آر نمبر 241/2025 منٛز این ڈی پی ایس ایکٹ کِس دفعہٕ 8/21 تحت بِجبہارا پُلسہٕ تھانس منٛز گِرِفتار کوٚرمُت۔تٔمۍ ووٚن ووٚن زِ یہِ جایداد ضبط کرٕنۍ چھِ اننت ناگ پولیسٕچ جٲری مُہمہِ ہُنٛد حصہٕ ییٚمیُک مقصد منشیاتُک نیٹ ورک ختم کرُن تہٕ مُجرِمن ہٕنٛدٮ۪ن مٲلی وسٲیلن نشانہٕ بناوُن چھُ۔