سوپورَس منٛز زٕ ڈرگ ڈِلَر گِرِفتار، ممنوعہ مادٕ ضبط: پُلیٖس
ڈرگ ڈیلرَن خٕلاف پنٕنۍ مُہِم جٲری تھٲوِتھ چھِ سوپور پولیسَن زٕ ڈرگ ڈِلَر گِرِفتار کٔرمٕتۍ تہٕ تِہنٛدِس حراستَس منٛز چھِ منع کرنہٕ آمٕتۍ چیز برآمد کٔرمٕتۍ۔
پُلسہٕ کہِ ترجمانَن ووٚن أکِس بیانَس منٛز زِ پُلیٖس پوسٹ وارپورہ ہٕکہِ أکہِ ٹیٖمَن رُکٲوۍ گنوارا کراسنگَس پٮ۪ٹھ ناکا چیکَس دوران تلاشی باپتھ رجسٹریشن نمبر JK05N – 4224 واجنہِ ایکو گاڑِ ۔
تٔمۍ ووٚن زِ تلٲشی دوران ٲسِکھ گاڑِ منٛزٕ نفسیٲتی ممنوعہ دوا برآمد کٔرمٕژ تہٕ قٲیدٕ مُطٲبِق ٲسِکھ ضبط کٔرمٕتۍ۔
شَکاوَر افرادَن ہٕنٛز شناخت چھِ غلام محی الدین چوپن سُنٛد نیٚچُو، محمد عارف چوپن تہٕ گنوارہ، سوپور کِس روزَن وٲلِس مشتاق احمد میر سُنٛد نیٚچُو عاطف مشتاق میر ناوٕ سۭتۍ کرنہٕ آمٕژ۔
پُلسہٕ ترجمانَن ووٚن ووٚن زِ اَتھ سلسلَس منٛز چھُ سوپور پُلیٖس تھانس منٛز ایف آئی آر نمبر 41/2026 تحت این ڈی پی ایس ایکٹ کِس مُتعلقہٕ دفعَن تحت مقدمہٕ درٕج کرنہٕ آمُت، تہٕ منشیاتَن تہٕ مُمکنہٕ نیٹ ورکَن ہٕنٛدِ ذٔریعہٕ ژھانڈنہٕ خٲطرٕ چھِ مٔزیٖد تفتیش شُروٗع کرنہٕ آمٕژ۔
تٔمۍ ووٚن زِ سوپور پولیس چھِ معاشرَس منٛز نشاور ادوِیات ختم کرنہٕ یٔقیٖنی بناونہٕ خٲطرٕ سخت کاروٲیی جٲری تھاونہٕ خٲطرٕ پرعزم ۔