جموں و کشمیر پولیسَن کوٚر بین ریاستی دہشت گرد ماڈیولُک بے نقاب ، پانٛژھ گِرِفتارپولیسَن کٔرۍ بین ریاستی لشکر طیبہ نیٹ ورکس سۭتۍ وابستہٕ راجستھان تہٕ ہریانہ ہَس منٛز تہِ چھاپہٕ۔

جموں و کشمیر پولیسَن کوٚر داعوا زِ تِمَن چھُ ممنوعہ دہشت گرد تنظیم لشکر طیبہ ہُک اکھ بین ریاستی دہشت گرد ماڈیول بے نقاب کوٚرمُت تہٕ پانٛژھ نَفر گِرِفتار کٔرِمٕتۍ۔ گِرِفتار کرنہٕ یِنہٕ والٮ۪ن منٛز چھُ عبداللہ عرف ابو حریرہ تہِ شٲمِل، یُس ایجنسیَو مُطٲبِق پٔتِمٮ۪و 16 ؤرۍ یَو پٮ۪ٹھ گِرِفتٲری نِش بچان اوس تہٕ اوس مرکزی زیر انتظام علاقہٕ نٮ۪بر کُن روزن جایہِ قٲیِم کرنَس منٛز کامیاب گوٚمُت۔ یہِ زانکٲری ٲس پولیس اہلکارَو دٔسۍ فراہم کٔرمٕژ۔ حُکامَو مُطٲبِق آو عبداللہَس سۭتۍ بیٛاکھ اکھ پٲکِستٲنہِ دہشت گرد، عثمان عرف خبیب تہِ اَتھ بٔڑِس کاروٲیی منٛز گِرِفتار کرنہٕ، یَتھ منٛز جموں و کشمیر پولیسَس سۭتۍ مرکٔزی ایجنسی شٲمِل ٲس۔ تفتیٖش کَرن والٮ۪و کٔر راجستھان تہٕ ہریانہ سان 19 مقامَن پٮ۪ٹھ چھاپہٕ تہٕ کوٚرُکھ قٲبلِ اعتراض مواد برآمد کرنُک داعوا تہِ۔ تحقیقاتَس دوران گوٚو اکھ مضبوٗط لشکرِ طیبہ نیٹ ورک بے نقاب یُس دہشت گردَن لاجسٹک تہٕ مٲلی مدد فراہم کران اوس۔