لیفٹیننٹ گورنرَن نِیُو’ڈرگ فری جموں و کشمیر مِشنس’ تحت 100 دۄہَن ہِنٛز مُہِم ہِنٛز تَیٲرِیَن ہُنٛد جٲیزٕ۔ منشیاتٕچ آمد چھِ اکھ بین الاقوٲمی سٲزِش یُس نوجوانَن ہٕنٛدِس مستقبلَس پٮ۪ٹھ خطرٕ چھُ: منوج سنہا

منشیاتٕچ آمد چھِ اکھ بٔڑ بین الاقوٲمی سٲزِش یُس جموں و کشمیر کٮ۪ن نوجوانَن ہٕنٛدِس مستقبلَس خطرٕ چھُ، لیفٹیننٹ گورنر منوج سنہاہَن ووٚن زِ سماجُک پرٮ۪تھ طبقہٕ پَزِ منشیاتٕچ لعنتَس خٕلاف اتھ جنگس منٛز شٲمِل گژھُن۔ سی این آیی مُطٲبِق کٔر لیفٹیننٹ گورنر منوج سنہاہَن أکِس اعلیٰ سطحی اجلاسٕچ صدارت یَتھ منٛز تٔمۍ ڈرگ فری جموں و کشمیر مِشنَس تحت 100 دۄہَن ہٕنٛز سخت مُہِم ہٕنٛزِ تَیٲرِیَن ہُنٛد جٲیزٕ کوٚر۔ یہِ مُہِم، ییٚمیُک مقصد مرکزی زیر انتظام علاقہٕ منٛزٕ منشیاتُک استعمال ختم کرُن چھُ۔