امریکہس پزِ جنگ بٔنٛدی خٲطرٕ اسرٲیلٕچ کاروٲیی رُکاوٕنۍ۔یہ تنازعہ اوس نہٕ ایرانن شروع کورمُت بلکہ اوس اتھ پیٹھ تھونہٕ آمُت۔اگر جنگ بٔنٛدی ناکام گٔیہِ، تیٚلہِ آسہِ ذمہٕ دٲری اسرٲیل :وزیر اعلیٰ عمرعبداللہ

اتھ کتھہِ پیٹھ زور دِوان زِ مشرق وسطیٰ منٛز جٲری جنگ بٔنٛدی ہٕنٛزِ کوٗشِشن ہٕنٛز کامیٲبی یقینی بناونہٕ خٲطرٕ چھُ امریکہس اسرٲیلٕچ کاروٲیی رُکاونٕچ ضرورت، وزیر اعلیٰ عمر عبداللہ ہَن ووٚن زِ یہِ تنازعہ اوس نہٕ ایرانَن شروع کوٚرمُت بلکہِ چھُ اَتھ پٮ۪ٹھ مسلط کرنہٕ آمُت۔ سی این آیی مُطٲبِق ووٚن وزیر اعلیٰ عمر عبداللہ ہَن زِ امریکہَس چھُ مشرق وسطیٰ منٛز جٲری جنگ بٔنٛدی ہٕنٛزِ کوٗشِشن ہٕنٛز کامیٲبی یقینی بناونہٕ خٲطرٕ اسرٲیلٕچ کاروٲیی رُکاونٕچ ضرورت۔ وزیر اعلیٰ عمر عبداللہ ہَن کوٚر بڑوُن تناؤ پیٹھ تشویشُک اظہار، خاص طور لبنانَس منٛز اسرٲیلٕچ کارروائیَن مُتعلِق۔ تٔمۍ ووٚن زِ اگر جنگ بٔنٛدی ناکام گٔیہِ، تیٚلہِ یِیہِ اسرٲیلُک ذمہٕ وار ٹھہراونہٕ۔ تٔمۍ ووٚن بیٚیہِ زِ امریکہَس چھُ پنٕنۍ حرکتَن پیٹھ لگام تھاونٕچ ضرورت۔