خدایہ سُند شُکر چُھ زِ جنگ آو رُکاونہٕ تہٕ وۅمید چھِ زِ یہِ روزِ برٛونٛہہ کُن تہِ رُکِتھ۔ اسہِ پزِ انسٲنیت خٲطرٕ کٲم کرٕنۍ، نہ کہ نوبل انعام خٲطرٕ: ڈاکٹر فاروق

مغربی ایشیاہَس منٛز تناؤ کم گژھنَس پیٹھ راحت ہُنٛد اظہار کران جموں و کشمیرٕکۍ سٲبقہٕ وزیر اعلیٰ تہٕ نیشنل کانفرنسٕک صدر فاروق عبداللہ ہَن دِیُت پوٗرٕ دُنیاہَس منٛز پایدار امنَس پٮ۪ٹھ زور۔ سی این آئی مُطٲبِق کوٚر نیشنل کانفرنسٕک صدر ڈاکٹر فاروق عبداللہ ہَن حضرت بال سٕنٛدِس آسَر شریف مزارُک دورٕ تہٕ کٔرٕن اَتہِ جُمعہ نماز ادا۔ اَتھ موقعس پیٹھ کٔر ڈاکٹر فاروقن جموں و کشمیرس منٛز مکمل امن تہٕ سلامتی، اسلٲمی دنیاہٕچ عزت، انسانیت ہٕنٛز بقا، لوکن ہٕنٛز فلاح و ترقی تہٕ فلسطینی لوکن ہٕنٛز فتح تہٕ حمایت خٲطرٕ دُعا۔ اَتھ موقعس پیٹھ صحافین سۭتۍ کتھ کران، ووٚن تٔمۍ ‘خدایہ سُنٛد شُکر ہے جنگ گوٚو رُکاونہٕ۔ بہٕ چھُس وۄمید کران زِ یہِ روزِ مستقبلَس منٛز رُکاونہٕ، دُنیاہَس منٛز گژھہِ امن قٲیِم، تہٕ اسہِ سارِنٕے میلہِ اَمہِ سۭتۍ فٲیدٕ۔’

پٲکِستانٕچ ثالثی تہٕ نوبل انعام دِنہٕ خٲطرٕ مُطالبَن ہٕنٛدِس بحثَس ہُنٛد جواب دِوان ووٚن تٔمۍ ‘بہٕ چھُس نہٕ یہِ وُچھان۔ کانٛہہ تہِ چھُنہٕ نوبل انعامہٕ خٲطرٕ کٲم کران۔ اکھ چھُ انسانیت خٲطرٕ کٲم کران۔’