*لیفٹیننٹ گورنرَن کٔر بیساکھی پیٹھ لوٗکَن سلام *

لیفٹیننٹ گَورنَر شِری منوج سنہاہَن کٔر بیساکھی کِس مُقدَس موقعَس پٮ۪ٹھ لوٗکَن تہٕ دِلہٕ دِلہٕ مُبارکباد، یُس پَگہہ مناونہٕ یِیہِ۔ پننِس پیغامَس منٛز ووٚن لیفٹیننٹ گورنرَن زِ: "بیساکھی کِس خوشی ہٕنٛدِس موقعَس پٮ۪ٹھ چھُس بہٕ پرٛٮ۪تھ کٲنٛسہِ دِلہٕ دِلہٕ مبارکباد تہٕ نیک خواہشات پیش کران۔فصلُک یہِ تہوار چھُ سانٮ۪ن زٔمیٖن دارن ہِنٛدِ غٲر معموٗلی تعاونٕچ یاد دِوان، یِہٕنٛز محنت، قۄربٲنی تہٕ لگن چھِ سانہِ قومٕچ بُنیاد برقرار تھاوان۔بیساکھی چھُ دٔہِمِس گرو، گرو گوبِند سنگھ جی سٕنٛدِ دٔسۍ خالصہ پنتھٕچ تٲریٖخی بُنیاد تہِ نشان دِوان، یٔمۍ لوٗکن تہٕ برادری بااختیار بنٲو۔ ییٚلہِ أسۍ بیساکھی مناوان چھِ، أسۍ کرو پنُن پان گروُ گوبِند سنگھ جی سٕنٛزِ نیکی، اتحاد، عقیدت تہٕ انسانیت خٲطرٕ بے لوث خدمتٕچ ابدی تعلیمہٕ خٲطرٕ دُبارٕ وابستہٕ۔ یہِ تہوار گژھہِ یِنہٕ وٲلِس ؤرۍ یَس منٛز سارنٕے خٲطرٕ خۄشحٲلی تہٕ خوشی حٲصِل.