*پلوامہ پولیسَن کٔر ترٛےٚ گِرِفتار، دۄن منشیات خٕلاف کارروائیَن منٛز کٔرٕکھ ممنوعہ چیز ضبطٕ*

منشیاتٕچ غیر قانونی تجارت خٕلاف پنٕنۍ مُہِم جٲری تھٲوِتھ کٔر پلوامہ پولیسَن ترٛےٚ نشاور ادوِیات فروش گِرِفتار کٔرِتھ تہٕ کٲفی مقدارَس منٛز ممنوعہ چیز برآمد کٔرِتھ دۄن الگ الگ ناکا چیکنگ کارروائیَن منٛز اکھ بٔڑ کامیٲبی حٲصِل۔ گۄڈٕنِکِس واقعَس منٛز رُکوو پلوامہ پولیس تھانہٕ چہِ أکہِ ناکا پارٹی ملنگ پورہَس منٛز چیکنگ دوران اکھ شخٕص۔ تلٲشی دوران آو أمۍ سٕنٛدِ قبضَس منٛز 176.5 گرام چارس، اکھ پاؤڈر ہیوٗ مادٕ برآمد کرنہٕ۔ مُلزِم سٕنٛز شناخت چھِ مُرانٕکۍ روزَن وٲلہِ محمد شفیع گنی سُنٛد نیٚچُو امتیاز احمد گانی ناوٕ سۭتۍ کرنہٕ آمٕژ۔ پرژھہٕ گٲر دوران کوٚر ملزمن انکشاف زِ ممنوعہ چیز اوس جنگل لینڈ شال ٹوکونا کِس روزَن وٲلِس غلام احمد شاہ سٕنٛدِس نیچوِس محمد اکرم شاہ نِش حٲصِل کرنہٕ آمُت۔ اَمہِ معلوٗماتَس پٮ۪ٹھ جلدٕی کاروٲیی کٔرِتھ کٔر پُلسن مُطٲبِق تَمہِ شخٕص سٕنٛدِس رِہٲیشہِ پیٹھ تلٲشی ، ییٚمہِ کِس نٔتیٖجس منٛز علاوٕ 198.5 گرام چارس، یُس پاؤڈر ہیوٗ مادٕ چھُ برآمد گوٚمُت۔