*سوپور شےٚاحتجاجی تشددٕ پتہٕ پی ایس اے یَس تحت حراستس منز بھدرواہ جیل آے سوزنہٕ*

حُکامَن ووٚن جُمعہ دۄہ زِ سوپورَس منٛز چھِ شےٚ نَفر پبلِک سیفٹی ایکٹ (پی ایس اے) تحت قصبس منٛز حالٕے احتجاجَس سۭتۍ وابستہٕ تشددَس منٛز مُبیعنہٕ مُلوثَت باپتھ حِراستَس منٛز نِنہٕ آمٕتۍ۔ أکۍ اہلکارَن ووٚن خبر رساں ایجنسی کشمیر نیوز آبزرور (کے این او) زِ تمام شےٚ قٲدۍ چھِ ضِلعہٕ جیل بھدرواہَس منٛز منتقل کٔرمٕتۍ، ییٚلہِ زَن تشددَس سۭتۍ وابستہٕ بیٚیہِ نفرَن ہٕنٛز شناخت چھِ یِوان کرنہٕ تہٕ مزید کاروٲیی چھِ متوقع ۔ تٔمۍ ووٚن زِ احتجاج گوٚو أکِس لیکچررَس خٕلاف حراساں کرنٕکۍ الزام برونہہ کُن گژھنہٕ پتہٕ شروع، ییٚمہِ کِنۍ مُظٲہرٕ گٔیہِ یِم پتہٕ تشددَس منٛز بٔڑۍ۔ تٔمۍ ووٚن زِ "کَنہِ لگاونہٕ تہٕ عوٲمی تہٕ ذٲتی جایدادَن نۄقصان واتناونٕکۍ واقعاتَن ہٕنٛز اطلاع آیہِ دِنہٕ، یَتھ منٛز سکول عمارتَن تہٕ گاڑٮ۪ن نۄقصان تہِ شٲمِل چھُ”۔ تٔمۍ ووٚن ووٚن زِ گۄڈَے چھِ واریاہ گِرِفتٲرِی کرنہٕ آمٕژ، ییٚلہِ زَن تفتیش چھِ اتھ منٛز شٲمِل باقین ہٕنٛز شناخت جٲری تھاوان۔