جموں و کشمیر بینکَن کٔر گاڑِین ہٕنٛدِ فاینانٛس شَرکَت گَژھنہٕ خٲطرٕ جموں کار ڈیلرَن سۭتۍ رٲبطہٕ

رِٹیل قرضہٕ دِنہٕ خٲطرٕ شراکت داری مضبوٗط کرنہٕ تہٕ سٲرِسٕے علاقَس منٛز گاڑِین ہٕنٛدِ فنانس کاربار بڑاونہٕ خٲطرٕ پنٕنۍ کوٗشِش جٲری تھٲوِتھ کوٚر جموں و کشمیر بینکَن از جموں کِس سرکردہ آٹوموبائل ڈیلرَن سۭتۍ پنِنِس زونل آفس، جموَس منٛز اکھ کتھ باتھ پروگرامُک اہتمام ۔پروگرامَس منٛز کٔر جنرل منیجر (رِٹیل، ایگریکلچر تہٕ ایم ایس ایم ای) راکیش ماگوترا تہٕ جنرل منیجر تہٕ ڈویژنل ہیڈ (جمو) اَشوک گپتا تہٕ بینکٕکۍ سینئر افسرَن شرکت۔ آٹوموبائل ڈیلرَن ہٕنٛدِس وفدٕچ قیادت کٔر فیڈریشن آف آٹوموبائل ڈیلرز ایسوسی ایشنَن (ایف اے ڈی اے) چیئرپرسن سنجے اگروالَن ۔سرکردہ آٹوموبائل ڈیلرَو یَتھ منٛز جمکاش وہیکیڈیڈز، جموں موٹرز، شری ٹویوٹا، اے ایم گروپ، پیکس آٹو، این ایس ایف، آئی جے ایم ٹویوٹا، فیئر ڈیل موٹرز، تہٕ ایسٹرو انڈیا شٲمِل چھِ، کٔر کتھ باتھَس منٛز حصہٕ، یَتھ منٛز گاڑِین ہٕنٛدِ مالیات تہٕ کارٕبٲری ترقی خٲطرٕ تعاون بڑاونَس پٮ۪ٹھ توجہ دِنہٕ آمُت چھُ۔