”شری بدھ امرناتھ جی یاترا۔2026“ایل جی سِنہاہن کٔر یہِ یاترا جٔھنڈۍ ہٲوِتھ روانہٕ.

روٗحٲنی سفرٕچ شروعات کران کٔرلیفٹیننٹ گورنر شری منوج سِنہا ہن بھگوان نگر یاتری نِواس پٮ۪ٹھہٕ شری بدھ امرناتھ جی یاترا یہِ ہُنٛد گۅڈنِیُک قٲفلہٕ جٔھنٛدۍ ہٲوِتھ روانہٕ تہٕ یاترین مبارک کران ووٚنُکھ زِ یہِ یاترا آسہِ توہیہ پٮ۪ٹھ  اکھ روٗحٲنی طور کٲمیاب زیارت۔

لیفٹیننٹ گورنرَن  کوٚر بابا امرناتھ تہٕ بدھ امرناتھ یاتری نیاس، بی ایچ پی تہٕ بجرنگ دَل، مقٲمی اِنتظامیہ، لَنٛگر تنظیمن تہٕ سِوِل سوسائٹی جَمٲعَتن بہتَر اِنتظام کرنہٕ خٲطرٕ  شُکریہ  ۔

لیفٹیننٹ گورنرَن ووٚن زِ”بابا بدھ امرناتھ سٕندس آستانس  پٮ۪ٹھ گژھُن چُھ اکھ مقدس سفر تہٕ اَکھ روٗحٲنی تجربہٕ۔ مےٚ چُھ یقین زِ یہِ زیارت  چھےٚ یِمن سارِنٕے عقیدت مندن ہٕنٛدِ خٲطرٕ اکھ بٔڈ تبدیلی "۔

اَتھ تقریبہِ  مَنٛز ٲسۍرُوحٲنی رہنما، مذہبی پیشوا، عوامی نمائندہ، سِوِل تہٕ پولیس اِنتظامیہٕکۍسینیئر اَفَسَر تہِ موجوٗد۔