اچھبل اننت ناگس منٛز نامعلوم گاڑِ سۭتۍ ٹاس یِنہٕ پتہٕ بائیکر شٔدیٖد زخمی، جی ایم سی اننت ناگ منتقل۔

 //ابنِ اطہر//

ازدُپہرَس گوٚو جنوٗبی کشمیر کِس اننت ناگ ضِلعہٕ کِس اچھبل کِس چیکی کنگن ہال علاقَس منٛزاکہِ نامعلوم گاڑِ سۭتۍ ٹاس لگنہٕ سۭتۍ اکھ موٹر سائیکل چلاون وول شٔدیٖد زخمی۔

حکامَو ووٚن زِ موٹر سائیکل چلاوَن وٲلِس سٕنٛز شناخت چھےٚ پیرتاکیہ برنٹی اننت ناگ پٮ۪ٹھہٕ فیاض احمد نائکو  سُنٛد نیٚچُو سیماق فیاض نائیکو ناوٕ سۭتۍ کرنہٕ آمٕژ۔ سُہ اوس JK03L-4115 رجسٹریشن وٲلِس موٹر سائیکلَس پیٹھ سوار ییٚلہِ تٔمِس نامعلوم گاڑِ ٹاس دِیُت۔

سُہ گوٚو شدیٖد زخمی تہٕ سُہ آو گۄڈٕ ایس ڈی ایچ اچھبل نِنہٕ، ییٚتہِ پٮ۪ٹھٕ سُہ خصوٗصی علاجہٕ خٲطرٕ جی ایم سی اننت ناگ منتقل کرنہٕ آو۔ تٔمۍ سٕنٛز حالت چھےٚتشویشناک وننہٕ یِوان۔

پولیس چُھ نامعلوم گاڑِ ژھارا ن۔