بڈگامَس منٛز نوکریFRAUDگروپ بے نقاب، 2 گِرِفتار، مزید گِرِفتٲرین ہُنٛد امکان: ایس ایس پی
وسطی کشمیر کِس بڈگام ضِلعَس منٛز چھِ پولیسَن نوکری فراہم کرنہٕ کِس ناوس پٮ۪ٹھ مبینہٕ دھوکہ دہی کِس سلسِلس منٛز2 نَفر گِرِفتار کٔرمٕتۍ، تہٕ تحقیٖقاتَس دوران چھِ مزید گِرِفتٲرین ہُنٛد امکان۔
ایس ایس پی بڈگامن ووٚن ژٔنٛدٕروارِ دۄہ بیرواہَس منٛز أکِس پریس کانفرنسَس منٛز زِ پُلسن چھِ نوکری ژھارَن والٮ۪ن نقلی تقرری چِٹھہِ تہٕ سرکٲرۍ نوکریَن ہٕنٛدِ وعدٕ سۭتۍ دھوکھہٕ دِنہٕ کِس الزامَس منٛز2 نَفر حِراستَس منٛز نِمٕتۍ۔
گِرِفتار کرنہٕ آمٕتۍ نفرَن ہٕنٛز شناخت چھِ رَتشن بیرواہٕکۍ روزَن وٲلۍ غلام محمد ڈار سُنٛد نیٚچُو، ایڈووکیٹ جہانگیر احمد ڈار تہٕ زبگل بیرواہٕکۍ روزَن وٲلۍ غلام نبی بھٹ سُنٛد نیٚچُو فردوس نبی بھٹ ناوٕ سۭتۍ کرنہٕ آمٕژ۔ فردوس نبی چھُ جموں و کشمیر پیپلز فرنٹُک (جے کے پی ایف) چیئرمین تہِ زاننہٕ یِوان۔ ایس ایس پی یَن ووٚن زِ سرکٲرِ شِکایَت موصول گژھنہٕ پتہٕ چھِ دۄشوٕنی بیرووہ پولیس تھانس منٛز پرژھہٕ گٲر کرنہٕ یِوان۔