جموں و کشمیرَس منٛز ڈویژنل کمشنر تہٕ ڈپٹی کمشنرس سان 49 افسرَن ہٕنٛز منتقلی تہٕ تقرری۔
جموں و کشمیرٕک لیفٹیننٹ گورنر منوج سنہاہَن کٔر بودوارِ دۄہ بٔڑِس پیمانَس پٮ۪ٹھ انتظٲمی ردوبدل ، 49 افسَر تبدیل کٔرِکھ تہٕ نٔوۍ تقرری کٔرِکھ ۔ اَتھ ردوبدلَس منٛز چھِ 42 آے اے ایس افسرَن ہٕنٛز تبدیٖلی شٲمِل، یِمَن منٛز جموں ہُک ڈویژنل کمشنر سُنٛد عہدٕ تہِ شٲمِل چھُ۔ أکِس اہم تبدیٖلی منٛز آو وِکاس کُنٛڈل رمیش کُمار سٕنٛز جایہِ جموں ہُنٛد ڈِویژنل کٔمِشنر مُقرر کرنہٕ۔
اَمہِ علاوٕ چھِ ٲٹھَن ضِلعن ہِنٛدِ ڈپٹی کمشنر تہِ تبدیٖل کٔرمٕتۍ، یُس ؤرۍ یِچ اکھ بٔڑ انتظٲمی ردوبدل چھُ۔ وِکاس کُنٛڈل، یُس 2013 بیچُک اے جی ایم یوٗٹ کیڈر اَفسَر چھُ جموں و کشمیر سٔروِسِز سلیکشن بورڈُک چیئرمین سٕنٛدِ عہدٕ پٮ۪ٹھٕ تبدیٖل کرنہٕ آمُت تہٕ سُہ آو جوٚمُک ڈِویژنل کمشنر مُقرر کرنہٕ۔ أمِس چھُ جموں میٹروپولیٹن ریجنَل ڈیولپمنٹ اتھارٹی ہُنٛد ایٚڈِشنل سی ای او سُنٛد اِضٲفی ذِمہٕ دِنہٕ آمُت۔ یہِ حُکُم چھُ جنرل ایڈمنسٹریشن ڈیپارٹمنٹَن جٲری کوٚرمُت۔
رمیش کُمار آو کُنڈل سٕنٛز جایہِ تبدیٖلی کرنہٕ تہٕ بطور سیکرٹری محکمہٕ دیہی ترقی تہٕ پنچایت راجُک سیکرٹری تعیِنات کرنہٕ۔