گِندنٕچہِ سرگرمیہِ جٲرِی تھٲوِتھ آو وشو مقابلن ہُنٛد انقعاد کرنہٕ

بڈگٲمِس منٛز انٹر زونل ڈسٹرکٹ لیول مقابلن منٛز کٔر کورٮ۪و شرکت۔

کہؤٹ خبر /اطہر ابنِ اطہر

وادی تہٕ باقٕے ضلعن ہٕنٛدِس مقابلس منٛز چُھ بڈگام ضلعہٕ پٔتمٮ۪و کینٛژھو ؤریو پٮ۪ٹھہٕ کھیلن ہٕنٛز سرگرمیہِ منعقد کرناونس منٛز کامیاب ییٚلہِ زن محکمہ یوتھ سروسز اینڈ سپورٹس کہ طرفہٕ چُھ سکولی تہٕ پنچٲیتی طرزٕ کِس سطحس پٮ۪ٹھ تہِ چھِ مختلف شعبن س”تۍ تعلق تھاون وٲلۍ طلباءوطالبات جوش وخروش سان مختلف کھیلن منٛز حصّہٕ نِوان تہٕ اسکول لیولہِ تہٕ پر انٹر اسکول لیول ایونٹس تحت چھِ یِم طلباءوطالبات گِندناونہٕ یِوان تہٕ الگ الگ مقابلن ہُنٛد انعقاد کران تہٕ یِم مقابلہٕ برونٛہہ پکناونہٕ باپتھ کوٚر ضلعہ بڈگامن انٹر زونل ڈسٹرکٹ لیولہِ پٮ۪ٹھ وشومقابلن ہُنٛد اہتمام انڈور اسٹیڈیمس منٛز تہٕ اتھ منٛز نِیُوانڈر 17 تہٕ انڈر 18 کیٹگری چو کورٮ۪و حصّہٕ تہٕ کوٚرُکھ تائکوانڈو،باکسنگ تہٕ جوڈو ایونٹس منٛز اکھ أکِس خلاف مقابلہٕ تہٕ امہِ مقابلُک افتتاح کوٚر ضلعہٕ آفسٕکۍ کھیل انچارج غۅلام حس کھانڈے،شکیل الرحمان تہٕ انچارج وینیو محمّد ایوب خان صٲبن ۔تاہم تائکونڈو انڈر 17 نس منٛز زیوٗن زینت الطافن رتبہ ریاضس خلاف یۅسہٕ زنو ناگٲمِس سٍتۍ تعلق تھاوان چھےٚ ۔باکسنگ ایونٹ کیٹگری منٛز زیوٗن زون ماگام چہِ صایمہ جانن منتہا عابدس خلاف ۔ییٚلہِ زن انڈر 14جوڈو کیٹگری زون چرار شریفچہِ عریبہ جانن زون چاڈورہچہِ عیشل علیس خلاف زِیوٗن۔تہٕ یہِ کتھ تہِ چھےٚ ژٮ۪تس تھاوٕنۍ زِ یہِ مقابلہٕ روزِ بیٚیہِ دۅن دۅہن جٲرِی۔