وزیر داخلہ امیت شاہ سٕنٛزِ صدارتہِ منٛز ملٹی انٹلیجنس سینٹرٕچ میٹنگ

سیکورٹی تہٕ قانون نٲفِظ کرن والٮ۪ن ایجنسیَن دِیِو اَہَم ہِدایَت

کہؤٹ خبر/اطہر ابنِ اطہر

مرکزی وزیر داخلہ امیت شاہن کٔر از نَیہِ دِلہِ منٛز آئی بی کِس ملٹی ایجنسی سینٹر (ایم اے سی) کِس کارکردٕگی ہُنٛد جٲیزٕ نِنہٕ خٲطرٕ سیکورٹی تہٕ قانون نافذ کرن والٮ۪ن ایجنسیَن ہٕنٛدٮ۪ن مُختٔلِف سربراہَن ستۍ أکِس اعلیٰ سطحی اجلاسٕچ صدارت ۔ اجلاسَس منٛز خطاب کٔرِتھ دِژ وزیرِ داخلہَن مُلکہٕ پٮ۪ٹھٕ سیکورٹی ایجنسیَن ہٕنٛدٮ۪ن مُختٔلِف سربراہَن تہٕ باقی انٹلیجنس تہٕ نافذ کرن والٮ۪ن ایجنسیَن قومی سلامتیَس باپتھ پوٗرٕ حکوٗمتی نقطہٕ نظر اختیار کرنٕچ ہدایت۔ تٔمۍ دِیُت دہشت گردَن ہٕنٛدۍ نیٹ ورک تہٕ تِہنٛدِ مددگار ماحولیٲتی نظامَن ختم کرنہٕ خٲطرٕ تمام ایجنسیَن درمیان زیادٕ ہم آہنگی ہُنٛد مطالبہٕ تاکہ مُلکٕچ بڑوٕنۍ سیکیورٹی ہٮ۪کہِ خطرٕ س نمٹنہٕ خٲطرٕ کاروٲیی کٔرِتھ۔ مُلکٕچ مجموعی داخلی سلامتی ہٕنٛز صورتحال تہٕ دہشت گردی خٕلاف لڑایہِ ہُنٛد جٲیزٕ نِنہٕ وِزِ کوٚر وزیرِ داخلہَن تمام شرکاعن پٮ۪ٹھ زور زِ تِم کرَن ملٹی ایجنسی سینٹرَس منٛز مصروفیت بڑاونہٕ تہٕ یہِ اکھ مربوط پلیٹ فارم بناوُن یُس تمام قانون نافذ کرن وٲلۍ ایجنسیہِ استعمال ہٮ۪کن کٔرِتھ۔