وزیر اعظم نریندرمودیَن کوٚر کرگِل جنگہٕ کٮ۪ن شٔہیٖدَن خراج تحسین پیش

ؤزیٖرِ اعظم نَرینٛدر مودِین کوٚر جُمعہ دۄہ 1999 کِس جنٛگس منٛز پٲکِستانس پیٚٹھ ہِنٛدُستان چہِ فتح کِس 25 ہِمہِ ؤرِیہِ کِس موقعس پیٚٹھ کرگِل جنٛگ کیٚن شٔہیٖدن خراج تحسین پیش ۔ ؤزیٖرِ اعظمن کوٚر دراس وار میمورِیَلس پٮ۪ٹھ پھولن ہُنٛد پھول تہٕ کوٚرُن مسلح افواج کٮ۪ن افسرن تہٕ جوانَن زبردست خراج تحسین پیش یِمو مُلکہٕ خٲطرٕ پنٕنۍ زِندگی قربان کٔر۔
26 جولائی 1999 کوٚر ہِنٛدُستٲنہِ فوجن کرگِل، لداخس منٛز ترٛٮ۪ن رٮ۪تن ہِنٛزِ لڑایہِ پتہٕ کامیٲبی ہُنٛد اعلان۔ یہِ دۄہ چُھ اَتھ جنٛگس منٛز پٲکِستانس پیٚٹھ ہِنٛدُستان کہِ فتحٕچہِ یاد مناونہٕ خٲطرٕ ‘کرگِل وِجے دۄہ’ پٲٹھۍ مَناونہٕ یِوان۔
جُمعہ دۄہ صُبحٲے ووت ؤزیٖر اعظم مودی دراس وار میموریل تہٕ کوٚرُن تتہِ کرگِل جنگس دوران شہید سپدن والٮ۪ن فوجَن تہٕ افسرَن زبردست خراج تحسین پیش ۔