اگنیویر سکیمٕچ مُخٲلِفت کرن وٲلۍ چھِ تِمے لُکھ یِمو دِفٲعی بجٹَس منٛز دھوکہ دِیُت: وزیر اعظم مودی

لداخ: وزیر اعظم نریندر مودی یَن کوٚر جُمعہ دۄہ کانگریسَس پٮ۪ٹھ تنقید تہٕ ووٚنُن زِ اگنیویئر سکیمٕچ مُخٲلِفت کرن وٲلۍ چھِ برٛونٛہہ کالہِ دِفٲعی بجٹ گھوٹالن منٛز شٲمِل۔ "تِم چھِنہٕ یژھان زِ فوج تہٕ آئی اے ایف گژھن خۄد مۄختار روزٕنۍ۔ یہِ کَتھ کٔر ؤزیٖر اعظم مودیَن دراسَس منٛز کرگِل وِجے دۄہ کِس موقعس پٮ۪ٹھ مُنعقد أکِس تقریٖبہِ منٛز خطاب کران۔ تٔمۍ ووٚن زِ موٗجوٗدٕ مرکزی حکومتن چھِ فوج جٔدیٖد بناونہٕ تہٕ تِہنٛدۍ تمام مسلہٕ حل کرنہٕ خٲطرٕ زمینی سطحس پٮ۪ٹھ قدم تُلۍمٕتۍ۔
"کانگریسن کٔر پننِس دورس منٛز فوجٕک مطالبہٕ نظر انداز، مگر موٗجوٗدٕ مرکزی حکومتن چھِ اتھ طرفہٕ بہتر کٲم کٔرمٕژ۔ اگنیویر سکیمَس پٮ۪ٹھ کَتھ کران ووٚن وزیر اعظمَن زِ "یِم امہِ سکیمٕچ مُخٲلِفت چھِ کران تِم چھِ دراصل تِمے لوٗکھ یِمَو برٛونٛہہ کالہِ ساسہٕ بٔدۍ کرور رۄپیَن ہُنٛد دِفٲعی بجٹ گھوٹالہٕ کوٚرمُت۔ تٔمۍ ووٚن زِ یِم لوٗکھ چھِنہٕ یژھان زِ آئی اے ایف تہٕ فوج گژھن مضبوٗط تہٕ مستحکم