دِلہِ کار دھماکَس منٛز عمر نبیس پناہ دِنہٕ کِس الزامس منٛز اکھ فرد گِرِفتار: این آئی اے
نیشنل انویسٹی گیشن ایجنسی (این آئی اے) چُھ دِلہِ کار بم دھماکہٕ برٛونٛہہ عمر نبی پناہ دِنہٕ باپتھ فرید آبادُک اکھ روزَن وول گِرِفتار کوٚرمُت۔
دھوج، فرید آباد (ہریانہ) ہُک روزَن وول سُیاب چھُ اَتھ معاملَس منٛز گِرِفتار کرنہٕ یِنہٕ وول سٔتِم مُلزِم ۔
ایجنسی ہٕنٛدۍ ترجمانَن ووٚن أکِس بیان مطٲبق چُھ این آیی اے یَن دِلہِ منٛز ملی ٹنٹ کار بم دھماکہٕ کہِ فوراً برٛونٛہہ ملی ٹنٹ عمر نبیس پناہ دِنہٕ باپتھ فرید آبادُک اکھ روزَن وول گِرِفتار کوٚرمُت۔
تٔمۍ ووٚن زِ دھوج، فرید آباد (ہریانہ) ہُک روزَن وول سُیاب چھُ اَتھ معاملَس منٛز گِرِفتار کرنہٕ یِنہٕ وول سٔتِم مُلزِم ۔
تٔمۍ ووٚن زِ این آیی اے کِس تحقیقاتَس سۭتۍ چھُ یہِ انکشاف سپدان زِ تٔمۍ اوس 10 نومبر کار بم دھماکہٕ برٛونٛہہ ملی ٹنٹ عمرَس لاجسٹک مدد تہِ فراہم کٔرمٕژ۔