سید محمد الطاف بخاریَن دِیُت مرکزی حکومتس پٮ۪ٹھ زور زِ سۅ کٔرِنۍ جموں و کشمیرُک ریاستی درجہٕ بحال۔ "رِہٲیشی ہٕنٛز ضروٗرت یِیِنۍ 15 ؤریو پٮ۪ٹھٕ 35 ؤرین تام ہُراونہٕ”:سید محمد الطاف بخاری

پننہِ پارٹی ہٕنٛدِ سربراہ سید محمد الطاف بخاری یَن دِیُت مرکٔزی حکوٗمتَس پٮ۪ٹھ زور زِ سۄ کٔرِنۍ جموں و کشمیر کٮ۪ن لوٗکَن سۭتۍ براہ راست کَتھ باتھ شُروٗع تہٕ امہِ کَتھ باتھِ پتہٕ کٔرِن وعدٕ مُطٲبِق جموں و کشمیرُک ریاستی درجہٕ بَحال۔ تٔمۍ ووٚن زِ جموں و کشمیرس منٛز پایدار امن تہٕ استحکامٕ خٲطرٕ چھُ جذبٲتی فرق کم کرُن ضروری۔ تٔمۍ دِیُت ژارنہٕ آمٕژ زیر انتظام حکومتس زور زِ سۅ ہُرٲوِنۍ رِہٲیشی ہٕنٛز ضروٗرت 15 ؤریو پٮ۪ٹھٕ 35 ؤرین تام تہٕ یہِ متوازن تہٕ منصفانہٕ بناونہٕ خٲطرٕ ریزرویشن پالیسی ہُنٛد جٲیزٕ۔ سید محمد الطاف بخاری یَن کٔر گِرِفتٲری ہِنٛدِس سلسلَس مَذمَت تہٕ کٔرٕن جموں و کشمیرٕ نٮ۪بر واریاہَن جاین کٔشیٖرِ ہراساں کرنہٕ کٮ۪ن حالَے واقعاتَن پٮ۪ٹھ سٮ۪ٹھاہ تشویشُک اِظہار۔