شاہن کوٚرپننٮ۪ن ہم وطنن گَرَن منٛز ترنگا لہراونٕچ اپیل

مرکزی وزیر داخلہ امیت شاہن کٔر بٹوارِ دۄہ پننٮ۪ن ہم وطنن اپیل زِ تِم کرَن 9 پٮ۪ٹھ 15 اگست تام ‘ہر گھر ترنگا’ مُہِم کہِ حصہٕ پٲٹھۍ پننٮ۪ن گھرن منٛز ترنگا جھنڈٕ لہراونہٕ تہٕ پنٕنۍ سیلفی ‘ہر گھر ترنگا’ ویب سائٹہِ پٮ۪ٹھ اپ لوڈ۔
سوشل میڈیا پلیٹ فارم ایکس یَس پٮ۪ٹھ أکِس پوسٹَس منٛز ووٚن مسٹر شاہَن زِ "سون قومی جھنڈٕ چھُ ترنگا قربانی، وفاداری تہٕ امنٕچ علامت۔ پرٛٮ۪تھ گھر ترنگا مُہِم چھِ آزٲدی ہِنٛدٮ۪ن ہیٖروَن یاد تھاونہٕ، گۄڈٕ قومُک عہد نِنہٕ تہٕ قومی اتحادَس فروغ دِنُک ذٔریعہٕ۔ ؤزیٖر اعظم نَرینٛدر مودی سٕنٛدِس کالس پیٚٹھ چھےٚ یہِ مُہِم پٔتِمیٚو دۄیو ؤرِیو پیٚٹھٕ اَکھ عوٲمی مُہِم بَنیمٕژ۔ 9 پٮ۪ٹھ 15 اگست تام چھِو تُہۍ پننٮ۪ن گَرَن منٛز ترنگا جھنڈٕ لہرٲوِتھ تہٕ پرٛٮ۪تھ گَرَس منٛز ترنگا ویب سائٹہِ پٮ۪ٹھ پنٕنۍ سیلفی اپ لوڈ کٔرِو۔