پوٗرٕ مُلکَس منٛز چھِ جاناوارَن ہٕنٛدِ حِفاظتٕچ کوٗشِش کاغذَس تام محدوٗد

پٔتمٮ۪ن 30 ؤرۍ یَن منٛز چھِ جاناوارَن ہٕنٛز 60 فیصد انواع کم گٔمٕژ۔
رہائش گاہٕچ خرٲبی سۭتۍ چھِ جنگلات ہٕنٛدۍ مٲہِر زٲژن ہٕنٛز آبٲدی منٛز کٔمی گٔمٕژ/رپورٹہٕ سۭتۍ چھُ پتہ لگان
سرینگر، 03 اگست: پوٗرٕ مُلکَس منٛز جاناوارَن ہٕنٛدِ حِفاظتہٕ خٲطرٕ کوٗشِشن درمیان چھُ یہِ ظٲہِر گوٚومُت زِ پٔتِمٮ۪ن 30 ؤرۍ یَن منٛز چھِ 60 فی صٔدی جاناوارَن ہٕنٛز نسل کم گٔمٕژ۔ سی این آٮٔی یَس مُطٲبِق ییٚلہِ زن پوٗرٕ مُلکَس منٛز جاناوارَن ہٕنٛدِ حِفاظتہٕ خٲطرٕ کوٗشِش چھِ یِوان کرنہٕ تہٕ اَمہِ خٲطرٕ چھِ بیدٲری ہٕنٛدۍ پروگرام تہِ چلاونہٕ یِوان، مگر یہِ چھُ ظٲہِر کرنہٕ آمُت زِ پٔتِمٮ۪ن 30 ؤرۍ یَن منٛز چھِ جاناوارَن ہٕنٛز 60 فیصد انواع کم گٔمٕژ۔ اَکہِ رپورٹہِ مُطٲبِق چھِ تبدیٖلی خٲطرٕ تجرُبہٕ کرنہٕ آمٕتۍ 359 زٲژو منٛز 40 فی صٔدی پٔتمٮ۪ن سَتن ؤرۍ یَن منٛز کٔمی گٔمٕژ۔ تحقیٖق کَرن والٮ۪و ووٚن زِ تِمَن نِش چھُنہٕ پرٛٮ۪تھ زٲژ ہٕنٛدِ زوالُک کانٛہہ خاص وجہ، تہٕ یہِ زاننہٕ خٲطرٕ دِیُت سخت تحقیقٕچ ضرورتَس پٮ۪ٹھ زور زِ یہِ کیازِ چھُ سپدان۔